శ్రీదేవ్యువాచ |
దేవ దేవ మహాదేవ సర్వజ్ఞ కరుణానిధే |
ప్రత్యంగిరాయాః కవచం సర్వరక్షాకరం నృణామ్ || 1 ||
జగన్మంగళకం నామ ప్రసిద్ధం భువనత్రయే |
సర్వరక్షాకరం నృణాం రహస్యమపి తద్వద || 2 ||
శ్రీశివ ఉవాచ |
శృణు కళ్యాణి వక్ష్యామి కవచం శత్రునిగ్రహమ్ |
పరప్రేషితకృత్యాది తంత్రశల్యాదిభక్షణమ్ || 3 ||
మహాభిచారశమనం సర్వకార్యప్రదం నృణామ్ |
పరసేనాసమూహే చ రాజ్ఞాముద్దిశ్య మండలాత్ || 4 ||
జపమాత్రేణ దేవేశి సమ్యగుచ్చాటనం భవేత్ |
సర్వతంత్రప్రశమనం కారాగృహవిమోచనమ్ || 5 ||
క్షయాపస్మారకుష్ఠాది తాపజ్వరనివారణమ్ |
పుత్రదం ధనదం శ్రీదం పుణ్యదం పాపనాశనమ్ || 6 ||
వశ్యప్రదం మహారాజ్ఞాం విశేషాచ్ఛత్రునాశనమ్ |
సర్వరక్షాకరం శూన్యగ్రహపీడావినాశనమ్ || 7 ||
బిందుత్రికోణం త్వథ పంచకోణం
దళాష్టకం షోడశపత్రయుక్తమ్ |
మహీపురేణావృతమంబుజాక్షీ
లిఖేన్మనోరంజనమగ్రతోపి || 8 ||
మహేపురాత్వూర్వమేవ ద్వాత్రింశత్పత్రమాలిఖేత్ |
అంతరే భూపురం లేఖ్యం కోణాగ్రే క్షాం సమాలిఖేత్ || 9 ||
భద్రకాళీమనుం లేఖ్యం మంత్రం ప్రత్యంగిరాత్మకమ్ |
భద్రకాళ్యుక్తమార్గేణ పూజ్యాం ప్రత్యంగిరాం శివామ్ || 10 ||
రక్తపుష్పైః సమభ్యర్చ్య కవచం జపమాచరేత్ |
సకృత్పఠనమాత్రేణ సర్వశత్రూన్ వినాశయేత్ || 11 ||
శత్రవశ్చ పలాయం తే తస్య దర్శనమాత్రతః |
మాసమాత్రం జపేద్దేవి సర్వశత్రూన్ వినాశయేత్ || 12 ||
అథ కవచమ్ –
యాం కల్పయంతీ ప్రదిశం రక్షేత్కాళీ త్వథర్వణీ |
రక్షేత్కరాళాత్వాగ్నేయ్యాం సదా మాం సింహవాహినీ || 13 ||
యామ్యాం దిశం సదా రక్షేత్కక్షజ్వాలాస్వరూపిణీ |
నైరృత్యాం రక్షతు సదా మాస్మానృచ్ఛో అనాగసః || 14 ||
వారుణ్యాం రక్షతు మమ ప్రజాం చ పురుషార్థినీ |
వాయవ్యం రక్షాతు సదా యాతుధాన్యో మమాఖిలాః || 15 ||
దంష్ట్రాకరాళవదనా కౌబేర్యాం బడబనలా |
ఈశాన్యాం మే సదా రక్షేద్వీరాంశ్చాన్యాన్నిబర్హయ || 16 ||
ఉగ్రా రక్షేదధోభాగే మాయామంత్రస్వరూపిణీ |
ఊర్ధ్వం కపాలినీ రక్షేత్ క్షం హ్రీం హుం ఫట్ స్వరూపిణీ || 17 ||
అధో మే విదశం రక్షేత్కురుకుళ్లా కపాలినీ |
విప్రచిత్తా సదా రక్షేత్ దివారాత్రం విరోధినీ || 18 ||
కురుకుళ్లా తు మే పుత్రాన్ బంధవానుగ్రరూపిణీ |
ప్రభాదీప్త గృహా రక్షేత్ మాతాపుత్రాన్ సమాతృకాన్ || 19 ||
స్వభృత్యాన్ మే సదా రక్షేత్పాయాత్ సా మే పశూన్ సదా |
అజితా మే సదా రక్షేదపరాజిత కామదా || 20 ||
కృత్యా రక్షేత్సదాప్రాణాన్ త్రినేత్రా కాళరాత్రికా |
ఫాలం పాతు మహాక్రూరా పింగకేశీ శిరోరుహాన్ || 21 ||
భ్రువౌ మే క్రూరవదనా పాయాచ్చండీ ప్రచండికా |
శ్రోత్రయోర్యుగళం పాతు తదా మే శంఖకుండలా || 22 ||
ప్రేతచిత్యాసనా దేవీ పాయాన్నేత్రయుగ్మం మమ |
మమ నాసాపుటద్వంద్వం బ్రహ్మరోచిష్ణ్వమిత్రహా || 23 ||
కపోలం మే సదా పాతు భృగవశ్చాప సేధిరే |
ఊర్ధ్వోష్ఠం తు సదా పాతు రథస్యేవ విభుర్ధియా || 24 ||
అధరోష్ఠం సదా పాతు ఆజ్ఞాతస్తే వశో జనః |
దంతపంక్తిద్వయం పాతు బ్రహ్మరూపా కరాళినీ || 25 ||
వాచం వాగీశ్వరీ రక్షేద్రసనాం జననీ మమ |
చుబుకం పాతు మేంద్రాణీ తనూం ఋచ్ఛస్వ హేళికా || 26 ||
కర్ణస్థానం మమ సదా రక్షతాం కంబుకంధరా |
కంఠధ్వనిం సదా పాతు నాదబ్రహ్మమయీ మమ || 27 ||
జఠరం మేంగిరః పుత్రీ మే వక్షః పాతు కాంచనీ |
పాతు మే భుజయోర్మూలం జాతవేదస్వరూపిణీ || 28 ||
దక్షిణం మే భుజం పాతు సతతం కాళరాత్రికా |
వామం భుజం వామకేశీ పరాయంతీ పరావతీ || 29 ||
పాతు మే కూర్పరద్వంద్వం మనస్తత్వాభిధా సతీ |
వాచం వాగీశ్వరీ రక్షేద్రసనాం జననీ మమ || 30 ||
వజ్రేశ్వరీ సదా పాతు ప్రకోష్ఠయుగళం మమ |
మణిద్వయం సదా పాతు ధూమ్రా శత్రుజిఘాంసయా || 31 ||
పాయాత్కరతలద్వంద్వం కదంబవనవాసినీ |
వామపాణ్యంగుళీ పాతు హినస్తి పరశాసనమ్ || 32 ||
సవ్యపాణ్యంగుళీ పాతు యదవైషి చతుష్పదీ |
ముద్రిణీ పాతు వక్షో మే కుక్షిం మే వారుణీప్రియా || 33||
తలోదర్యుదరం పాతు యది వైషి చతుష్పదీ |
నాభిం నిత్యా సదా పాతు జ్వాలాభైరవరూపిణీ || 34 ||
పంచాస్యపీఠనిలయా పాతు మే పార్శ్వయోర్యుగమ్ |
పృష్ఠం ప్రజ్ఞేశ్వరీ పాతు కటిం పృథునితంబినీ || 35 ||
గుహ్యమానందరూపావ్యాదండం బ్రహ్మాండనాయకీ |
పాయాన్మమ గుదస్థానమిందుమౌళిమనః శుభా || 36 ||
బీజం మమ సదా పాతు దుర్గా దుర్గార్తిహారిణీ |
ఊరూ మే పాతు క్షాంతాత్మా త్వం ప్రత్యస్య స్వమృత్యవే || 37 ||
వనదుర్గా సదా పాతు జానునీ వనవాసినీ |
జంఘికాండద్వయం పాతు యశ్చజామీశ పాతు నః || 38 ||
గుల్ఫయోర్యుగళం పాతు యోఽస్మాన్ద్వేష్టి వధస్వ తమ్ |
పదద్వంద్వం సదావ్యాన్మే పదావిస్ఫార్య తచ్ఛిరః || 39 ||
అభిప్రేహి సహస్రాక్షం పాదయోర్యుగళం మమ |
పాయాన్మమ పదద్వంద్వం దహన్నగ్నిరివ హ్రదమ్ || 40 ||
సర్వాంగం సర్వదా పాతు సర్వప్రకృతిరూపిణీ |
మంత్రం ప్రత్యంగిరా దేవీ కృత్యాశ్చ సహృదో సుహృత్ || 40 ||
పరాభిచారకృత్యాత్మ సమిద్ధం జాతవేదసమ్ |
పరప్రేషితశల్యాత్మే తమితో నాశయామసి || 41 ||
వృక్షాది ప్రతిరూపాత్మా శివం దక్షిణతః కృధి |
అభయం సతతం పశ్చాద్భద్రముత్తరతో గృహే || 42 ||
భూతప్రేతపిశాచాది ప్రేషితాన్ జహి మాం ప్రతి |
భూతప్రేతపిశాచాది పరతంత్రవినాశినీ || 43 ||
పరాభిచారశమనీ ధారణాత్సర్వసిద్ధిదామ్ |
భూర్జపత్రే స్వర్ణపత్రే లిఖిత్వా ధారయేద్యది || 44 ||
సర్వసిద్ధిమవాప్నోతి సర్వత్ర విజయీ భవేత్ |
ఏకావృత్తిం జపేద్దేవి సర్వఋగ్జపదా భవేత్ || 45 ||
భద్రకాళీ ప్రసన్నా భూదభీష్టఫలదా భవేత్ |
బందీగృహే సప్తరాత్రం చోరద్రవ్యేఽష్టరాత్రకమ్ || 46 ||
మహాజ్వరే సప్తరాత్రం ఉచ్చాటే మాసమాత్రకమ్ |
మహావ్యాధినివృత్తిః స్యాన్మండలం జపమాచరేత్ || 47 ||
పుత్రకార్యే మాసమాత్రం మహాశతృత్వమండలాత్ |
యుద్ధకార్యే మండలం స్యాద్ధార్యం సర్వేషు కర్మసు || 48 ||
అస్మిన్యజ్ఞే సమావాహ్య రక్తపుష్పైః సమర్చయేత్ |
నత్వా న కుర్తు మర్హాసి ఇషురూపే గృహాత్సదా || 49 ||
శాస్తాలయే చతుష్పథే స్వగృహే గేహళీస్థలే |
నిఖనేద్యం త్రిశల్యాది తదర్థం ప్రాపయాశుమే || 50 ||
మాసోచ్ఛిష్టశ్చ ద్విపదమేతత్కించిచ్చతుష్పదమ్ |
మాజ్ఞాతిరనుజానస్యాన్మాసావేశి ప్రవేశినః || 51 ||
బలే స్వప్నస్థలే రక్షేద్యో మే పాపం చికీర్షతి |
ఆపాదమస్తకం రక్షేత్తమేవ ప్రతిధావతు || 52 ||
ప్రతిసర ప్రతిధావ కుమారీవ పితుర్గృహమ్ |
మూర్ధానమేషాం స్ఫోటయ వధామ్యేషాం కులే జహీ || 53 ||
యే యే మనసా వాచా యశ్చ పాపం చికీర్షతి |
తత్సర్వం రక్షతాం దేవీ జహి శత్రూన్ సదా మమ || 54 ||
ఖట్ ఫట్ జహి మహాకృత్యే విధూమాగ్ని సమప్రభే |
దేవి దేవి మహాదేవి మమ శత్రూన్వినాశయ || 55 ||
త్రికాలం రక్ష మాం దేవి పఠతాం పాపనాశనమ్ |
సర్వశత్రుక్షయకరం సర్వవ్యాధివినాశనమ్ || 56 ||
ఇదం తు కవచం జ్ఞాత్వా జపేత్ప్రత్యంగిరా ఋచమ్ |
శతలక్షం ప్రజప్త్వాపి తస్య విద్యా న సిధ్యతి || 57 ||
మంత్రస్వరూపకవచమేకకాలం పఠేద్యది |
భద్రకాళీ ప్రసన్నాత్మా సర్వభీష్టం దదాతి హి || 58 ||
మహాపన్నో మహారోగీ మహాగ్రంథ్యాదిపీడినే |
కవచం ప్రథమం జప్త్వా పశ్చాదృగ్జపమాచరేత్ || 59 ||
పక్షమాత్రాత్ సర్వరోగా నశ్యంత్యేవ హి నిశ్చయమ్ |
మహాధనప్రదం పుంసాం మహాదుఃస్వప్ననాశనమ్ || 60 ||
సర్వమంగళదం నిత్యం వాంఛితార్థఫలప్రదమ్ |
కృత్యాది ప్రేషితే గ్రస్తే పురస్తాజ్జుహుయాద్యది || 61 ||
ప్రేషితం ప్రాప్య ఝడితి వినాశం ప్రదదాతి హి |
స్వగృహ్యోక్తవిధానేన ప్రతిష్ఠాప్య హూతాశనమ్ || 62 ||
త్రికోణకుండే చావాహ్య షోడశైరుపచారతః |
యో మే కరోతి మంత్రేణ ఖట్ ఫట్ జహీతి మంత్రతః || 63 ||
హునేదయుతమాత్రేణ యంత్రస్య పురతో ద్విజః |
క్షణాదావేశమాప్నోతి భూతగ్రస్తకళేబరే || 64 ||
విభీతకమపామార్గం విషవృక్షసముద్భవమ్ |
గుళూచీం వికతం కాంతమంకోలం నింబవృక్షకమ్ || 65 ||
త్రికటుం సర్షపం శిగ్రుం లశునం భ్రామకం ఫలమ్ |
పంచ ఋగ్భిః సుసంపాద్య ఆచార్యసహితః శుచిః || 66 ||
దినమేక సహస్రం తు హునేద్ధ్యాన పురః సరః |
సర్వారిష్టః సర్వశాంతిః భవిష్యతి న సంశయః || 67 ||
శత్రుకృత్యే చైవమేవ హునేద్యది సమాహితః |
స శత్రుర్మిత్రపుత్రాదియుక్తో యమపురీం వ్రజేత్ || 68 ||
బ్రహ్మాఽపి రక్షితుం నైవ శక్తిః ప్రతినివర్తనే |
మహత్కార్యసమాయోగే ఏవమేవం సమాచరేత్ || 69 ||
తత్కార్యం సఫలం ప్రాప్య వాంఛితాన్ లభతే సుధీః |
ఇదం రహస్యం దేవేశి మంత్రయుక్తం తవానఘే || 70 ||
శిష్యాయ భక్తియుక్తాయ వక్తవ్యం నాన్యమేవ హి |
నికుంభిళామింద్రజితా కృతం జయ రిపుక్షయే || 71 ||
ఇతి శ్రీమహాలక్ష్మీతన్త్రే ప్రత్యక్షసిద్ధిప్రదే ఉమామహేశ్వర సంవాదే శ్రీ శంకరేణ విరచితే శ్రీ ప్రత్యంగిరా కవచమ్ ||
